يا غشـيمه ليـــه تبدين الأسف والأعتذآر
أصلا احنا منتهيـن ان كان هـذا يجهلــك
ثم أنـا ما ودي أفتح بيننا بـاب الحـــوار
بس أنا عــارف فضولك .. بالنهايـة يقتلك
تسأليني من معي بعـدك خذت فكري وصـار
يحتفل فيها قصـيدي .. وعلّمَتني أهملــك؟؟
واسمحي لي راح أجاوب لك سـؤالك في إطار
الصراحه .. وادري إنّ آخـر كلامــي يزعلك
ذيك بنت ٍ مـن غلاها عاملـه فيـني حصـار
وين ما وجهت نبضي لجلها قلبي ســـــلك
ذيك بنت ٍ تـزرع البسـمات في كـل الـديار
تغفل بطيبـة نواياهـا .. و تســتغــفلك.؟
ذيك يـوم إنـك تركتيـني علــى شبه انهيار
جتــني وطـرت بهواها للسـما وابعــد فلك
ذيـك يوم آكلمك وابقـى علـى الخـط انتظـار
حطّت الدنيا ( انتظـار ) وجـت تقول اشتقت لك
ذيك غيم وصالها ما شح في ليل ونهـــــار
وانتي ياخـذك التغلـي للغيــاب و يشــغلك
ذيك يوم إنـي أمـوّل لك تفاصـيلي دمـــار
جـت تغـنـي الماضي لك وبكره لك وبعده لك
وعن جمال أوصافها خــايف يصـيبك انكسـار
فلانـه لو تلتفـت لـك .. ضيّعت مسـتقبلك
وانصحك من حســــنها ? يبتـدي قلبـك يغار
وابعدي عنهـا تراها " حبـه .. حبـه .. تاكلـك "
نور عيني حبّها .. يعـني لي أكـبر انتصــار
حزت عرش ٍ مـن ملوك الأرض ما حـازه ملك
كـن قلبي من بعـد ما حبهــا علّق شــعار
" الرجـــــاء الأبتعاد .. القلب هــذا ممتلك "
واعتقـد ما فيـه داعـي يكتمـل هـذا الحــوار
بس هـــي كلمـه .. إذا ودك تعرفــي منزلك
شـفتي البنـت اللـي احتلت مكانـك .. باختصار
ذيك تسـواك ِ وتسـوي كــل طوايفـك وهلـك
><
<>
><
<>
><
منقول من ..
كويت الحب ..
http://www.kuwait143.com/vb
![_…−ˉ‾‾ˉے●][صُــٌاحٌـٌـٌبٌ الـُـٌمٌـنٌتٌـٌدٌىَ][●ےˉ‾‾ˉ−…_](https://2img.net/i/itest/ranks/stars/stars13.gif "_…−ˉ‾‾ˉے●][صُــٌاحٌـٌـٌبٌ الـُـٌمٌـنٌتٌـٌدٌىَ][●ےˉ‾‾ˉ−…_")
