زينوها وادفنوها والكفن ثوب الزفاف

السلام عليكم ورحمة الله وبركاته أقدم لكم هذه القصيدة وأتمنى أن تحوز على اعجابكم ..


زينوها وادفنوها والكفن ثوب الزفاف

غصب عنها زوجوها وسلموها للغريب

مجبره ماشاوروها قصدهم شرع العفاف

مادروا ان البنيه مغرمه ولها حبيب

جهزوها وهي تبكي وترتشف دمع ارتشاف

وخبروها ان موعد الفرح منها قريب

مالقت احدن فهمها وهمها ناظر وشاف

ان حكت باللي سكنها مالقت إلها مجيب

وكانها هي وافقتهم جرعوها الزعاف

حالها من فعل اهلها صار محزن ومريب

والحفل قرب وقامت ترتجف خوف ارتجاف

كل يوم تقول باكر الفرج بإذن الرقيب

باكر يمكن يفهمون قصتي بآخر مطاف

جا باكر ثم عدا وجا بعد باكر عطيب

وعلقوا عقد الإناره وإحتشد فرد وآلاف

أيقنت إن الجرح جرحها ماله طبيب

وإنها لازم تطيع أمرهم وترضى الجفاف

جو لها والدمع يغرق جفنها الحلو الرطيب

قالوا يالله إلبسي ثوبك اللي للزفاف

كفنوها وفي نظرهم زوجوها للأديب

فرشوها الهم دايم والأسى لها لحاف

ياحسافه دخلوها والحشا يغلي لهيب

واحكموا قيد البنيه وإسجنوها بإلتفاف

وادعتهم وهي تقول حسبي الله الحسيب

رحلتي ماهيب طويله ورجعتي بعد القطاف

سافرت عن دار اهلها وقلبها خطر وصويب

سافرت مع منهو خطفها من أمانيها الضعاف

خايفه مستوحشه والعرق منها صبيب

وقلبها ينبض بذكرى ماضيه فيها إختلاف

حاولت ترضى بقدرها وللحدث هي تستجيب

بس عيت تقتنع وعشقها ذاق الضفاف

هو سألها جاوبيني ليه دمعاتك سريب

ليه لي ماتنظرين وأنا زوجك شخص واف

قالت بنبره خجوله أنا في وضعن رهيب

غصب عني زوجوني وإطعنوني بالرهاف

هو سكت لحظة تأمل وش أسوي يامجيب

عقله وقلبه نطقها صاحب النخوه يعاف

قال منهو غير حبي يسكن بقلبك نجيب

من تولى عرش قلبك إهتني به ياعفاف

وباكر الرجعه تراها وإمسحي الدمع العجيب

خايف إني أمسكك وأقترف ذنب إقراف

إضحكت ضحكه وقالت مابعد هالطيب طيب

الله يجازيك عني بالأجر ويسر الطواف

إرجعت وقالت رجعت يا أهل الشرع الغريب

بنتكم جتكم ولكن من بعد ذل وحساف

وإبعثت مرسول عاجل أنا جيتك يالحبيب

النذر اللي نذرته صار وافي يامناف

إجلست يوم وتأخر لارساله ولامجيب

وعقلها يمه تشتت وبدت بالغيبه تخاف

مرها طفل صغير وإسألت عن الصحيب

قال مات ليلة زفافك وإندفن بعد الزفاف

ناحت بحسره وطالت الليالي والنحيب

وودعت قبل اللقا حلمها الزاهي وطاف

اقتلوها مرتين وشابت ماقبل المشيب



م
ن
ق
و
ل